Gürcüstanın keçmiş prezidenti Salome Zurabişvili 5 min lari (3 117 AZN) məbləğində cərimələnib.
Teleqraf-ın yerli bürosu xəbər verir ki, o, bu barədə sosial şəbəkə hesablarında inzibati xəta haqqında protokolun fotoşəklini paylaşaraq məlumat yayıb.
Cəriməyə səbəb S.Zurabişvilinin bu ilin martın 3-də Tbilisidə Rustaveli prospektində keçirilmiş aksiya zamanı yolu bağlamasıdır.
Qeyd edək ki, ötən ilin sonundan Gürcüstanda aksiyalar zamanı yolların bağlanmasına görə cərimə 500 laridən 5 min lariyədək artırılıb.
