İran İslam Respublikası Məclisi Nüvə Silahlarının Yayılmaması Müqaviləsindən çıxmaq planlarını açıqlayıb.
Teleqraf xəbər verir ki, bununla bağlı İran parlamenti bəyanat yayıb.
Məlumata görə, İran beynəlxalq aktdan irəli gələn öhdəlikləri yerinə yetirməkdən imtina etməyə hazırdır. Tehran uranın 60 faizdən yuxarı səviyyəyə qədər zənginləşdirilməsinə başlamaq imkanını bu addıma alternativ adlandırır. Hakimiyyət dövlətə qarşı sanksiyaların gücləndirilməsi təhlükəsinə belə cavab vermək istəyir.
Qeyd edək ki, Qərb İrana nüvə sazişi bağlamaq üçün son tarix qoyub. İslam Respublikası avqustun sonuna kimi ABŞ ilə razılığa gələ bilməsə, ona qarşı yeni sanksiyalar tətbiq olunacaq.
