Avropanın top komandaları üçün 2023-cü ilin yekun reytinqi açıqlanıb.
İdman.biz xəbər verir ki, siyahıda qitənin 415 ən güclü klubu yer alıb.
Azərbaycan cədvəldə 4 komanda ilə təmsil olunub. “Qarabağ” ölkəmizin ən yaxşısıdır.
Qurban Qurbanovun yetirmələrinin hesabında 248 xal var. Ağdam klubu 70-cidir.
“Neftçi” 27 xalla 243-cüdür. Yeddi xal geri qalan “Sabah” 264-cü pillədə qərarlaşıb. 5 xalı olan “Qəbələ” 371-ci sırada yer alıb.
Qeyd edək ki, siyahıya 2311 xala malik “Real” başçılıq edir.
