Tələyə saldıq
Yusif Nəzərli
23:20 13.12.2021
Siyasət
512
Ermənistanın mina xəritələrini təhvil verməsi işimizə yarayacaq
Əslində Ermənistan tərəfi öz cinayətlərini sübut edən dəlilləri bizə verib
Artıq bundan sonra Ermənistan müharibə cinayətləri törətməkdən imtina edə, maddi təzminat ödəməkdən boyun qaçıra bilməz
Azərbaycan Xarici işlər naziri Ceyhun Bayramov Ermənistan tərəfindən alınmış minalı ərazilərin xəritələrindən danışıb. XİN rəhbəri bildirib ki, indiyə kimi Ermənistan tərəfindən təqdim olunan mina xəritələrinin dəqiqlik faizi çox aşağıdır. Nazirin sözlərinə görə, həmin xəritələrin dəqiqliyi təxminən 25 faizdir: “Ermənistan tərəfindən təqdim olunan yeni mina xəritələri mütəxəssislər tərəfindən təhlil edilir. Amma bunun üçün zaman lazımdır. Xəritələrin tədqiqindən sonra faciələrin qarşısını ala bilərik”. Xatırladaq ki, ötən həftə Minatəmizləmə Agentliyinin İdarə heyətinin sədri Vüqar Süleymanov da mina xəritələri ilə bağlı narahatlığını ifadə etmişdi.
ANAMA rəhbəri vurğulamışdı ki, mina sahələrinin xəritələrində adətən ərazinin koordinatları, basdırılmış minaların növləri, sayları, ara məsafələri, basdırılma və gizlətmə qaydalarına dair məlumatlar qeyd olunur. Lakin Ermənistanın təqdim etdiyi formulyarlarla ilkin tanışlıq onların etibarsız, yararsız və qeyri-dəqiq olması təəssüratını yaradır: “Ermənistan tərəfindən təqdim edilən xəritələrin işğaldan azad edilmiş bütün əraziləri tam şəkildə əhatə etməsi ilə bağlı ciddi narahatlığımız mövcuddur”. Məlumat üçün bildirək ki, Ermənistan tərəfindən Ağdam, Füzuli və Zəngilan rayonları üzrə daha öncə verilmiş mina sahələri üzrə məlumatların 75 faizi yanlış çıxmışdı. O baxımdan bəzi ekspertlər hesab edirlər ki, mina xəritələrində İrəvana qətiyyən etibar etmək olmaz. Hətta onlar sonuncu “əsir”-xəritə mübadiləsinin də doğru olmadığını düşünürlər. Vurğulayırlar ki, erməniyə güvənərək onların doğru xəritə təqdim edəcəyinə inanmaq sadəlövhlükdür.
Ermənilərdən alınmış xəritələrlə bağlı müzakirələri “Şərq”ə dəyərləndirən siyasi şərhçi Azər Qasımov “Şərq”ə açıqlamasında deyib ki, ermənilərin təqdim etdiyi xəritələrin doğruluğu ciddi yoxlanılır. Analitikə görə, indiki halda ən vacib məqam Ermənistanın təhvil verdiyi minalanmış ərazilərin xəritələrinin nə qədər doğru, yaxud yanlış olması deyil:
“Önəmli məsələ odur ki, ermənilər xəritələri təqdim etməklə nə boyda ərazidə minalanma işlərinin aparıldığını təsdiqləyirlər. Biz də xəritələri alaraq bunu sübut etmiş oluruq. Əlbəttə, ermənilərdən alınmış xəritələrin dəqiqliyinə inanmaq sadəlövhlük olardı. Azərbaycan bu xəritələri almaqla beynəlxalq ictimaiyyətə Ermənistanın münaqişə tərəfi olduğunu göstərir.
Ən əsası isə gələcəkdə beynəlxalq məhkəmədə İrəvana təzminat davası açdıqda həmin xəritələrin Ermənistan tərəfindən Azərbaycana verilməsi maddi sübut kimi istifadə oluna bilər. Xəritələri kim tərtib edibsə, deməli, minaları da o basdırıb və Azərbaycana maddi ziyan vurub. Əslində Ermənistan tərəfi öz cinayətini sübut edən dəlilləri bizə verib. Xəritələri üç-beş “əsir” qarşılığında geri almaqla Ermənistanı tələyə salmışıq.
Artıq bundan sonra Ermənistan müharibə cinayətləri törətməkdən imtina edə, maddi təzminat ödəməkdən boyun qaçıra bilməz”.
Oxşar xəbərlər
Xəbər lenti
Hamısına bax
Tramp: İran məsələsində tələsmirəm
11:27 20.11.2026
Gündəm
Xroniki tənhalıq demensiya riskini 38 faiz artırır
11:11 20.11.2026
Sağlamlıq
Fransa: Əsgərlərimiz zaman-zaman Ukraynada olub
10:59 20.11.2026
Gündəm
“Yuventus” Makkenninin transferinə icazə vermədi
10:56 20.11.2026
Futbol
Rektor qəzaya düşdü, akademik həyat yoldaşı ölüb
10:16 20.11.2026
Hadisə
Tramp tarixi üçtərəfli sammiti dəyərləndirdi: 10 üzərindən 12 bal
10:02 20.11.2026
Dünya
ABŞ Senatından Trampa İrana hücum dəstəyi gəldi
09:58 20.11.2026
Gündəm
Mossad rəhbəri ABŞ-ı İrana zərbələri bərpa etməyə çağırıb
09:57 20.11.2026
Dünya
Agentliyə yeni şöbə müdiri təyin olunub
09:36 20.11.2026
Elm və Təhsil
Bakıda gənc oğlan dostu tərəfindən bıçaqlandı
09:28 20.11.2026
Hadisə
QHT-lər üçün qrant müsabiqələri elan olundu - ŞƏRTLƏR
09:19 20.11.2026
Sosial
Bakının bir sıra yollarında tıxac yaranıb
08:57 20.11.2026
İnfrastruktur
Noyabrın 20-si üç BÜRC üçün xüsusi gün olacaq
08:48 20.11.2026
Sosial
Xərçəngə səbəb olan qidalar - Siyahı yeniləndi
08:20 20.11.2026
Sağlamlıq
Karles Puyola vəzifə verildi
07:51 20.11.2026
Futbol