Kremldə Ruben Vardanyanın Gorusa getmək istəyərkən Azərbaycan sərhədində saxlanılması barədə məlumat yoxdur.
Axar.az xəbər verir ki, bunu Kremlin mətbuat katibi Dmitri Peskov deyib.
“Məndə belə bir məlumat yoxdur, ona görə də bu barədə heç nə deyə bilmərəm. Onun saxlanıldığını, kim tərəfindən saxlanıldığını, ümumiyyətlə saxlanılıb-saxlanılmadığını və Rusiya vətəndaşlığının olub-olmadığını bilmirəm”, - Peskov bildirib.
Onun sözləruinə görə, əgər Vardanyanın rus vətəndaşlığı varsa, Rusiya onun hüquqlarını qoruyacaq.
Qeyd edək ki, bu gün Dövlət Sərhəd Xidməti Qarabağdakı erməni separatçıların keçmiş liderlərindən biri Ruben Vardanyanın Ermənistan istiqamətində hərəkət edərkən saxlanıldığı və Çevik Hərəkət Qüvvələri əməkdaşlarının müşayiəti ilə Bakı şəhərinə gətirildiyi barədə məlumat yayıb.
