“Gürcüstan hökuməti ölkənin Avropa yoluna sadiqdir və avrointeqrasiya baxımından indiyədək əldə olunan irəliləyişlər bunu göstərir”.
Teleqraf.com xəbər verir ki, bunu ölkənin baş naziri İrakli Kobaxidze biznes nümayəndələri ilə keçirdiyi görüşdə deyib.
Baş nazirin birinci müavini, iqtisadiyyat və dayanıqlı inkişaf naziri Levan Davitaşvilinin də iştirak etdiyi görüşdə Gürcüstanda baş verən proseslər müzakirə olunub.
İ.Kobaxidze iş adamlarını maraqlandıran sualları cavablandırıb. O, hökumətin kursu ilə bağlı müxtəlif mövqelərə malik biznes nümayəndələri ilə görüşə hazırlığını ifadə edib.
Qapalı keçirilən görüşdə 100-dən çox iş adamı iştirak edib.
