"Prezident İlham Əliyev Ağdərə sakinləri ilə görüşdə 44 günlük müharibə və ondan sonra keçirilən anti-terror tədbirlərini, rayonun adının qaytarılmasını xatırlatdı".
Bunu "Sherg.az"a açıqlamasında millət vəkili Nəsib Məhəməliyev deyib.
Deputat bildirib ki, ölkə başçısı haqlı olaraq qeyd etdi ki, 2-ci Dünya müharibəsindən sonra elə bir ölkə yoxdur ki, belə bir geosiyasi mürəkkəb şəraitdə, ən qısa müddətdə torpaqlarını işğaldan azad etsin:
"Silahlı Qüvvələrimiz 21-ci əsrin texnoloji müharibəsini aparmaqla, dünya hərb tarixinə adını qızıl hərflərlə yazdı. Bu bir daha Azərbaycan Ordusunun, Ali Baş Komandanın, xalqının gücünün göstəricisidir. Hazırda dünyada olduqca ziddiyətli proseslər gedir. Beynəlxalq hüquq işləmir. Hüquq güclünün tərəfindədir. Güclü olmasan, daxildə milli birliyini qorumağı bacarmasan, dövlətini, dövlətçiliyini itirə bilərsən. Ona görə də, hər zaman ayıq-sayıq olmağı bacarmalı, bizim güclənməyimizi, inkişafımızı istəməyən qüvvələrin əlinə arqument verməməliyik".
