Ermənistan Baş naziri Nikol Paşinyan bütün ermənilərin katolikosu II Qaregini vəzifəsindən uzaqlaşdırmaqda qərarlıdır.
Teleqraf xəbər verir ki, bu barədə “Hraparak” qəzeti məlumat yayıb.
“Hakim “Vətəndaş Müqaviləsi” Partiyasından bildirilib ki, Paşinyan II Qaregin könüllü getməyənə qədər təslim olmayacağını deyib. Baş nazir gündəlik olaraq sosial mediada kilsə xadimləri və II Qaregini hədəf alan paylaşımlara davam etmək qərarına gəlib. Paşinyan komanda yoldaşlarına söyləyib ki, bəzi din xadimləri ilə bağlı kompromatlar, hətta videolar var və onları dərc etməkdən çəkinməyəcək”, - erməni nəşri yazıb.
Mənbə qeyd edib ki, Nikol Paşinyan II Qareginin subaylıq andını pozması və övladının olması ilə bağlı tutarlı məlumatlar toplamaq üçün xüsusi xidmət orqanlarına tapşırıq verib.
Ətraflı
Ad - 00:12
Xatırladaq ki, Paşinyanla erməni kilsəsi arasında münasibətlər son illərdə, xüsusən də hökumət nümayəndələrinin II Qareginin istefasını tələb etməsindən və onun 44 günlük müharibədə Azərbaycana məğlubiyyətə görə Ermənistan hakimiyyətini kəskin tənqid etməsi səbəbindən pisləşib.
Baş nazirin ötən həftə katolikosu subaylıq andını pozmaqda və onun övladının olmasında ittiham etməsindən sonra kilsə ilə hökumət arasındakı gərginlik açıq müstəviyə keçib. Ermənistan baş naziri bəyan edib ki, subaylıq andını pozduğu üzə çıxsa, II Qaregin vəzifəsindən ayrılmalı olacaq.
