Ermənistan Yekaterinburqdakı fəxri konsulu Narek Spartakyanı geri çağırıb.
“Report”un xəbərinə görə, bu barədə “URA.ru” yazıb.
Nəşrin yazdığına görə, buna səbəb onun ölkə rəhbərliyinin erməni apostol kilsəsi ilə bağlı mövqeyi ilə razılaşmaması və iş adamı Samvel Karapetyanın həbsi olub.
Spartakyanın özü isə nəşrin müxbiri ilə söhbətində qeyd edib ki, o, Yekaterinburqda yaşayıb və bundan sonra da orada yaşayacaq.
