Bir neçə ildir xroniki sinir sistemi xəstəliyi olan Multipl Skleroz (MS) ilə mübarizə aparan Serdar Ortaç şou-biznes gündəmində qalmaqdadır. Sherg.az xəbər verir ki, müalicə prosesi davam edən Serdar Ortaç xəstəliyinin yaxşı istiqamətdə olduğunu bildirmişdi.
Artıq velosiped sürə bildiyini deyən məşhur müğənni "Instagram"dakı paylaşımında belə deyib:
“Düzəldi ayaqlarım, bu gün bir yarım saat velosiped sürdüm. Çox yaxşı müalicə aldım. Şirniyyat yemədim, kabab yemədim. İçkini bitirdim, siqareti bitirdim.”
Sosial şəbəkələrdə Serdar Ortaçın sağalmasının səbəbinin Canan Karatay olduğu iddia edilmişdi. Ortaç Instagram hesabından açıqlama verərək bu iddiaları təkzib edib.
O, açıqlamasında bunları deyib:
“İnternetdə bir xəbər yayılıb, guya Canan Karatay krem verib və Serdarın ağrılarını keçirib. Büsbütün yalandır. Bəli, ağrılarım keçdi, ayağa qalxdım, yeriyə bilirəm. Sağlığıma qovuşmağım öz həkimimin müalicəsi və içki, siqareti tərgitməyim sayəsində oldu. Krem-filanın mənə heç bir aidiyyatı yoxdur.”
