Katolikos II Qareginin saxlanılan qardaşı Qevork Nersisyan bir ay müddətinə həbs edilib.
APA Ermənistan mediasına istinadən xəbər verir ki, bu barədə vəkil Ara Zohrabyan bildirib.
Hazırda məhkəmə onun oğlu Ambartsum Nersisyanın həbsinə dair vəsatətə baxır.
***
Katolikos II Qareginin saxlanılan qardaşı Qevork Nersisyan və onun oğlu Ambarstum Nersisyan dindirilib.
APA xəbər verir ki, bu barədə Ermənistan mediası onların vəkili Ara Zohrabyana istinadən məlumat yayıb.
Vəkilin sözlərinə görə, hər iki şəxs saxlanıldıqdan sonra dindirilib və ifadələrinin videogörüntüsü istintaq orqanına təqdim olunub.
“Qevork Nersisyan və onun oğlu Ambarstum Nersisyan saxlanılıblar. Onlar ifadə veriblər, videoyazı istintaqa təqdim olunub. Hazırda qərarın verilməsini gözləyirik. Qanuna əsasən, 12 saat ərzində məhkəməyə həbs qətimkan tədbiri seçilməsi üçün müraciət edilməli və ya onlar azad olunmalıdır”, – Ara Zohrabyan bildirib.
Qeyd edək ki, bir gün öncə Qevork Nersisyan və onun qardaşı oğlu Ambarstum Nersisyan xuliqanlıq və təbliğat kampaniyasının aparılmasına mane olma ittihamları ilə saxlanılıblar.
