Suriyadakı Amerika hərbçilərinin sayı 500 nəfərə endirilə bilər.
Axar.az xəbər verir ki, bu barədə "Nyu York Tayms" (NYT) öz mənbələrinə istinadən məlumat yayıb.
Bildirilib ki, ölkənin şimal-şərqindəki səkkiz əməliyyat bazasından üçü yaxın günlərdə bağlanacaq və hərbi personalın sayı təxminən 2000-dən 1400-ə endiriləcək.
Növbəti qoşunların çıxarılması ilə bağlı qərar təxminən iki ay ərzində veriləcək, nəticədə 500-ə yaxın hərbçi Suriyada qalacaq.
Qeyd edək ki, bir müddət öncə "Ynet" ABŞ-ın Suriyadakı qüvvələri iki ay ərzində çıxaracağı barədə İsraili məlumatlandırdığı haqda məlumat yaymışdı.
