ABŞ və Rusiya arasında planlaşdırılan sülh sazişi ilə bağlı xəbərlər doğrudursa, Ukrayna və ya onu dəstəkləyən Avropa ölkələri sülh şərtlərini qəbul edə bilməz.
Axar.az xəbər verir ki, bunu Finlandiya xarici işlər naziri Elina Valtonen ABŞ-ın Ukrayn ilə bağlı sülh planını şərh edərkən deyib.
"Görünür, bu, Moskvada yazılıb. Onlar tamamilə və birmənalı olaraq BMT Nizamnaməsini müzakirədən kənarlaşdırırlar", - o bildirib.
Valtonenin sözlərinə görə, Finlandiya və Avropanın mövqeyi aydın olaraq qalır:
"Buranın masalarında vaxtaşırı müxtəlif ideoloji sənədlər görünür. Biz Ukraynada ədalətli və davamlı sülh istəyirik. Artıq dörd ildir ki, bunun üzərində işləyirik".
Qeyd edək ki, daha öncə “Axios” Rusiya və ABŞ-ın gizli şəkildə 28 bəndlik yeni sülh planı üzərində işlədiyi xəbərini yayıb.
