“Qəzzaya çatan yardımlar selinə çevrilməlidir”.
“Qafqazinfo” xəbər verir ki, bunu BMT-nin Baş katibi Antonio Quterreş deyib.
Quterreş bildirib ki, Qəzza hazırda aclığın astanasındadır. Qəzzada fələstinlilərin misli görünməmiş bir humanitar fəlakət yaşadığını qeyd edən Quterreş bunun xəbərdarlıq yox, bütün dünyanın gözü qarşısında baş verən bir reallıq olduğunu vurğulayıb:
“Qəzzaya sızan yardım indi sel kimi axmalıdır. Qida, su, dərman və yanacaq Qəzzaya fasiləsiz və maneəsiz çatmalıdır. Bu, bizim ümumi insanlığımızın sınağıdır və uğursuzluğa düçar ola bilmərik”.
