İranın xarici işlər naziri Abbas Əraqçi 26 fevral cümə axşamı günü Cenevrədə ABŞ Prezidentinin xüsusi nümayəndəsi Stiv Uitkoffla görüşə bilər.
APA xəbər verir ki, Əraqçi bu barədə CBS telekanalına müsahibəsi zamanı danışıb.
"Biz hələ də bunun üzərində işləyirik. Hər iki tərəfi onların narahatlıqlarını və maraqlarını nəzərə alaraq qane edə biləcək elementləri danışıqlara daxil etməyə çalışırıq. Biz bu elementlər üzərində işləyirik. Və inanıram ki, yəqin ki, bu cümə axşamı Cenevrədə yenidən görüşəndə bu elementləri nəzərdən keçirə, yaxşı bir mətn hazırlaya və tez bir zamanda razılığa gələ biləcəyik. Mənim başa düşdüyüm budur. Düşünürəm ki, bu, tamamilə mümkündür", - nazir bildirib.
