Türkiyə Prezidenti Rəcəb Tayyib Ərdoğan Cümhuriyyət Xalq Partiyasının (CHP) lideri Özgür Özəlin akim partiyaya yönəlik "ümmətçilik"lə bağlı ittihamlarına cavab verib.
Teleqraf xəbər verir ki, Ərdoğan partiyasının Kızılcahamamdakı toplantısında çıxışı zamanı bildirib:
"Niyə bu ölkənin türk, kürd, ərəb uşaqlarının bir-birini qucaqlaması sizi narahat etsin? Bizi ümmətçilikdə ittiham edirlər. Nə vaxtdan ümmətin birliyini müdafiə etmək günah sayılır?"
Ərdoan çıxışda "terrorsuz Türkiyə" planından da danışıb: "Ölkəmiz üçün yeni dövrün qapıları açılır. Türkiyə idealımızı addım-addım həyata keçiririk. Biz terrorun buxovlarından qurtulmağın astanasına çatırıq. Yarım əsrlik səbrimiz xilas edilir.Silahların təhvil prosesini diqqətlə izlədik. Heç kimin prosesi pozmağa, sabotaj etməyə, xırda çəkişmələrə girməyə haqqı yoxdur. Həyatda və siyasətdə hər şeyin təzminatı var, amma 86 milyon insanın əmin-amanlığına təsir edəcək belə bir həyati məsələdə güzəştə getməyin təzminatı yoxdur. Mənim millətim bunu bağışlamayacaq. Siyasətçilərin millət qarşısında borclarını yerinə yetirməli olduğu günlərdən keçirik. Türk millətinin gələcəyinə gəlincə, hər kəslə danışacağıq. Tənqid və təkliflərə açığıq, yetər ki, millətin xeyrinə olsun".
