Xarici işlər nazirinin müavini Məcid Taxt Rəvançinin rəhbərlik etdiyi İran nümayəndə heyəti yaxın saatlarda Ermənistana səfər edəcəklər.
Teleqraf xəbər verir ki, bu barədə erməni mətbuatı mənbələrə istinadən məlumat yayıb.
Mənbənin məlumatına görə, İrəvanda İran nümayəndə heyəti siyasi məsləhətləşmələrdə iştirak edəcək. Rəvançi həmçinin erməni həmkarı ilə görüşəcək.
Həmçinin, Ermənistanın digər yüksək vəzifəli rəsmiləri ilə görüşlər planlaşdırılır. Onların ölkələr arasında iqtisadiyyat, nəqliyyat və mədəniyyət kimi sahələrdə əməkdaşlığı müzakirə etmələri gözlənilir. Görüşlərdə Cənubi Qafqaz regionundakı inkişaf da müzakirə olunacaq.
