Amerikalılar Yaxın Şərqdəki münaqişə ilə əlaqədar benzin qiymətlərinin artması səbəbindən gələcəkdə elektrikli nəqliyyat vasitələrinə keçməyi düşünürlər.
Axar.az xəbər verir ki, bu barədə “Blumberq” məlumat yayb.
Məlumata görə, 14 martda ABŞ-da yanacaqdoldurma məntəqələrində benzinin orta qiyməti bir qallon (3,8 litr) üçün 3,70 dollar təşkil edib ki, bu rəqəm bir ay əvvəl 2,90 dollar idi. Amerikalı sürücülər təkcə bu həftə benzin üçün 1,65 milyard dollar daha çox pul ödəyiblər.
Nəşr qeyd edir ki, benzinin qiymətinin artması isə elektromobillərə marağı yenidən artırıb. Hətta İrana qarşı hərbi əməliyyatın başlanmasından sonrakı ilk həftədə elektromobillərlə bağlı axtarışlar 20% artıb.
Hətta, mütəxəssislər bildirir ki, ölkə üzrə benzinin orta qiyməti bir qallon üçün 4 dollara çatdıqda elektrikli nəqliyyat növünə kütləvi keçid başlayacaq.
