İranda Şanxay Əməkdaşlıq Təşkilatına (ŞƏT) üzv ölkələrin müştərək anti-terror təlimləri keçirilir.
APA İran mediasına istinadən xəbər verir ki, “Səhənd 2025” adlı təlimlər İran İslam İnqilabı Keşikçiləri Korpusunun (SEPAH) quru qoşunlarının ev sahibliyi ilə Şərqi Azərbaycan vilayətində təşkil olunur.
Qeyd olunub ki, təlimlər 5 gün davam edəcək.
Diqqətə çatdıraq ki, Şanxay Əməkdaşlı Təşkilatına 10 ölkə üzvdür.
Onlar Çin, İran, Rusiya, Belarus, Hindistan, Qazaxıstan, Qırğızıstan, Pakistan, Tacikistan və Özbəkistandan ibarətdir.
