ABŞ-ın əsas federal istintaq və daxili təhlükəsizlik qurumu (FBI) bazar günü səhər tezdən 20 yaşlarında olan bir kişinin prezident Donald Trampın Floridanın Palm Biç şəhərində yerləşən Mar-a-Laqo iqamətgahına daxil olması hadisə ilə bağlı araşdırma aparır.
APA xəbər verir ki, bu barədə Fox News məlumat yayıb.
Araşdırma çərçivəsində kişinin keçmişi, hərəkətləri və mümkün motivləri, eləcə də güc tətbiqinin əsaslı olub-olmaması yoxlanılır.
Bu araşdırmalara ABŞ-ın federal təhlükəsizlik qurumu (United States Secret Service) da qoşulub. Onların əsas vəzifələri prezident və digər yüksək vəzifəli şəxslərin mühafizəsi, eləcə də maliyyə cinayətlərinin araşdırılmasıdır.
Eyni zamanda Florida ştatının Palm Biç dairəsində fəaliyyət göstərən yerli hüquq-mühafizə orqanları da araşdırma qrupuna daxil ediliblər. Bu qurum ictimai asayişin qorunması, cinayətlərin araşdırılması və fövqəladə hallara reaksiya verilməsi ilə məşğuldur.
***
18:45
ABŞ Məxfi Xidməti bildirib ki, bazar günü səhər tezdən 20 yaşlarında olan bir kişi prezident Donald Trampın Floridanın Palm Biç şəhərində yerləşən Mar-a-Laqo iqamətgahının mühafizə olunan perimetrini pozduqdan sonra güllələnərək öldürülüb.
United States Secret Servicenin məlumatına görə, hadisə təxminən saat 01:30 radələrində baş verib. Şübhəli şəxs əraziyə “icazəsiz daxilolma” edib.
APA xəbər verir ki, bu barədə Fox News məlumat yayıb.
Bildirilir ki, həmin şəxs şimal qapısı yaxınlığında ov tüfənginə bənzər əşya və yanacaq kanistri ilə müşahidə olunub.
Məxfi Xidmət əməkdaşları kişini saxlayarkən atəş açılıb və o, hadisə yerində ölüb.
Rəsmilərin sözlərinə görə, nə Məxfi Xidmətin əməkdaşları xəsarət almayıb. Hadisə zamanı qorunan şəxslər iqamətgahda olmayıb.
