Ötən gün ABŞ-nin şərq ştatlarında və Kanadanın cənub-şərqində tam Günəş tutulması baş verib.
Sherg.az xarici mediaya istinadən xəbər verir ki, günəş tutulmasını ABŞ-nin bir çox ştatında qoruyucu eynək taxan insanlar izləyib.
Keçmiş dövlət katibi Hillari Klinton günəş tutulması ilə bağlı mesajında Donald Trampın 2020-ci ildə paylaşdığı mesaja və 2017-ci ildə baş verən Günəş tutulmasını seyr edərkən çəkilmiş fotoya istinad edib.
Klinton yenidən "xatırlatma" qeydi ilə paylaşdığı mesajında "Lütfən, günəş tutulmasına birbaşa baxan bir adamdan tibbi məsləhət almayın" deyib.
ABŞ prezidenti Co Bayden Ağ Evin eyvanından günəş tutulmasını izləyib.
Tutulmadan sonra X hesabında paylaşım edən Bayden, "Günəşi yenidən görmək çox gözəldir" deyib.
