Meksikada miqrantları daşıyan avtobusla yük maşınının toqquşması nəticəsində 15 nəfər ölüb, 36 nəfər yaralanıb.
“Report” xəbər verir ki, bu barədə "Debate" xəbər portalı məlumat yayıb.
Məlumata görə, hadisə Puebla və Oaxaka ştatları arasındakı magistral yolda qeydə alınıb.
Yaralılar Puebla və Oaxaka əyalətlərindəkı xəstəxanalara aparılıb. Qəza səbəbindən yol hər iki istiqamətdə bağlanıb.
Avtobusda əsasən venesuelalı miqrantlar olub.
Polis hadisənin səbəblərini araşdırır.
