Amerikalı sahibkar İlon Mask milyarder iş adamı Corc Sorosu sərt şəkildə tənqid edib.
Oxu.Az xəbər verir ki, bu barədə o özünün "X" sosial şəbəkə səhifəsində paylaşım edib.
Mask bu barədə sosial şəbəkə istifadəçisinin "İlon Corc Sorosun ABŞ və Avropada nə etdiyini bilir" paylaşımına cavab olaraq açıqlama verib.
"Sorosun insanlığa qarşı cinayətləri çoxsaylı və müxtəlifdir", - deyə o vurğulayıb.
Qeyd edək ki, bundan əvvəl ABŞ Prezidenti Donald Tramp ölkədə baş verən etirazlarla bağlı Sorosa qarşı araşdırma aparılacağını açıqlamışdı. O, həmçinin ABŞ-də "Tesla" şirkətinə qarşı tez-tez baş verən hücumların maliyyələşdirilməsinin arxasında maliyyəçinin dura biləcəyini demişdi.
