“Ermənilər üçün kilsə və xristianlıq həyatın əsas sütunlarındandır. Cəmiyyəti məhv etmək, insanları səssiz sürüyə çevirmək üçün əsas özəyi darmadağın etmək lazımdır”.
Globalinfo.az xəbər verir ki, bunu Rusiya Dövlət Dumasının deputatı Viktor Vodolatski deyib.
“Ermənistanın baş naziri Nikol Paşinyan ona məsləhət görüləni etməlidir. Yəni xristianlığı mümkün qədər məhv etməyə çalışmalıdır. Prinsipcə, Volodimir Zelenskinin etdiyi də eyni şeydir. O, Ukraynada pravoslavlığı məhv etdi. İndi Paşinyan bu yolla gedir. Ancaq ermənilər öz dəyərlərini müdafiə edəcəklər. Düşünmürəm ki, Paşinyan parlamentin ona verdiyi təklifi yerinə yetirə bilsin”.
Onun fikrincə, indiki hadisələr rməni xalqını birləşdirəcək.
“Bu, suverenliyin məhvidir. Ona görə də hər şey erməni xalqının öz əlindədir. Onlar ya Paşinyanın rəhbərliyi ilə Qərbin ideyaları ilə razılaşacaqlar, ya da öz ölkələrini məhv olmaqdan müdafiə edəcəklər”, – rusiyalı deputat yekunlaşdırıb.
