Rusiya Prezidenti Vladimir Putinin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyev bu həftə Vaşinqtona səfər edəcək.
Axar.az xəbər verir ki, bu barədə CNN məlumat yayıb.
Məlumata görə, Dmitriyev səfəri zamanı ABŞ Prezidentinin xüsusi nümayəndəsi Stiven Uitkoffla görüşəcək.
Kremlin mətbuat katibi Dmitri Peskov da Dmitriyevin Vaşinqtona səfərinin mümkün olduğunu bildirib:
“Bəli, təsdiq edirəm ki, belə bir səfər mümkün ola bilər. Müxtəlif kanallar vasitəsilə amerikalılarla əlaqəmizi davam etdiririk”.
