Rusiya ölkəyə giriş üçün elektron icazənin məcburi olmasını nəzərdə tutan yeni qərarın tətbiqi qaydaları ilə bağlı Qazaxıstan hakimiyyətindən əlavə izahat gözləyir.
Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
O qeyd edib ki, Moskva Astananın miqrasiya qanunvericiliyini təkmilləşdirmək hüququna hörmətlə yanaşır. Bununla belə, yeni müddəalar Avrasiya İqtisadi İttifaqına üzv dövlətlərin vətəndaşlarına da şamil olunduğundan, Rusiya müvafiq izahatlar istəyir.
