“Qazprom” “Türk axını” qaz kəmərinin “Ruskaya” kompressor stansiyasına növbəti gecə dron hücumunun edildiyini və onun uğurla dəf olunduğunu bildirib.
Sherg.az xəbər verir ki, “Ruskaya” kompressor stansiyası “Türk axını” üçün qaz tədarükünü təmin edən qaz kəməri sisteminə daxildir.
“PAO ‘Qazprom’-un ixrac infrastrukturuna yeni hücum baş verib. Bu gecə saat 00:40–01:00 arasında ‘Türk axını’ qaz kəməri üzrə qazın ixrac tədarükünün etibarlılığını təmin edən ‘Ruskaya’ kompressor stansiyası üç pilotsuz uçan aparatla (dron) hücuma məruz qalıb”, – şirkətin yaydığı məlumatda deyilir.
Rusiya Müdafiə Nazirliyinin qüvvələri və mobil əməliyyat qruplarının birgə tədbirləri nəticəsində hücum dəf olunub və PAO “Qazprom” obyektinə zərər dəyməyib, şirkət bildirib.
