Rusiyanın müdafiə naziri Andrey Belousov Liviya Milli Ordusunun Baş Qərargah rəisi Xalid Haftarla görüşüb.
Axar.az xəbər verir ki, bu barədə Rusiya Müdafiə Nazirliyinin məlumatında deyilir.
Görüşdə Rusiya-Liviya münasibətlərinin aktual məsələlərinə toxunulub və Şimali Afrikada vəziyyətin inkişafı müzakirə edilib.
Görüş zamanı Belousov Haftarı Baş Qərargah rəisi vəzifəsinə təyin olunması və general-polkovnik hərbi rütbəsinin verilməsi münasibətilə təbrik edib.
"Əlbəttə, bu, ölkənin müdafiə qabiliyyətinin gücləndirilməsinə verdiyiniz böyük töhfənin etirafıdır", - Belousov qeyd edib.
