Uels şahzadəsi Keyt Middleton Analar Günü yazısı ilə gündəmə gəldi. Şahzadənin keçən il paylaşdığı şəklin üzərində əl gəzdirildiyi məlum olub.
Sherg.az xəbər verir ki, haqqında hər zaman fərziyyələrlə gündəmdə olan şahzadə Keyt Middlton xərçəngə qalib gəlib. Sentyabrın 9-da müalicəsinin bitdiyini açıqlayan Şahzadə kral tədbirlərində görünməyə davam edir.
43 yaşlı şahzadə Keyt İngiltərədə bu il martın 30-da qeyd olunan Analar Günü üçün xüsusi paylaşım edib.
Üç uşaq anası Şahzadə rəsmi İnstaqram hesabında "Təbiət ötən il bizim sığınacaqımız olub. Bu Analar Günündə gəlin Yer Ananı qeyd edək və təbii dünya ilə əlaqəmizin təkcə mənliyimizi inkişaf etdirməyə kömək edə bilməyəcəyini, həm də həyatda oynadığımız rolu bizə xatırladaq" sözlərini paylaşıb.
Keçən il Analar Günündə edilən paylaşım uzun müddət idi ki, gündəmdən düşmürdü. Mübahisəli foto Kensinqton sarayının sosial media hesabında paylaşılıb. Fotoda Uels şahzadəsi üç övladı ilə birlikdədir. Fotonu şahzadə Uilyam çəkib.
Sosial şəbəkələrdə fotonun saxta olduğu iddiaları yayılıb.
Bir neçə saat sonra fotonu abunəçiləri ilə paylaşan beynəlxalq xəbər agentlikləri redaksiya səbəbləri ilə şəkli geri götürdüklərini elan etməyə başlayıblar. Agentliklər fotoşəkilin mənbəyi olan Kensington Sarayının görüntü ilə manipulyasiya etdiyini bildirib. Agentliklər abunəçilərinə təsvirdən istifadə etməməyi, istifadə edilibsə, silməyi tövsiyə edib.
Şahzadə Uilyam ilə paylaşdığı X hesabında açıqlama verən Uels Şahzadəsi bunları qeyd edib: "Bir çox həvəskar fotoqraf kimi mən də ara-sıra redaktə etməyə çalışıram. Dünən paylaşdığımız ailə şəklinin yaratdığı çaşqınlığa görə üzr istəyirəm. Ümid edirəm ki, hər kəs Analar Günü maraqlı keçib".
Tam adı Ketrin Elizabet Middltondur, 9 yanvar 1982-ci ildə anadan olub. Qeyri-zadəgan ailəsindən olan Keyt Middlton Sent-Endryus Universitetində oxuyarkən tanış olduğu Şahzadə Uilyam ilə uzun müddət eşq münasibəti yaşayıb. Cütlük 2011-ci ildə evlənib. Şahzadə Uilyam və şahzadə Keytin Corc, Çaryotta və Lui adlı üç övladı var.
