İran İslam İnqilabı Keşikçiləri Korpusu martın 17-də “Fars Air Qeşm” aviaşirkətinə məxsus təyyarə ilə Sudana silah-sursat göndərib.
Axar.az xəbər verir ki, bu barədə xarici media məlumat yayıb.
“Flight Radar 24” saytının məlumatına görə, SEPAH təyyarəsi həmin gün səhər saatlarında “w5998” reysi ilə Tehrandan Sudan limanına uçub.
SEPAH-a yaxın bir mənbə də təsdiqləyib ki, bu təyyarənin yükü silah və hərbi texnika və müxtəlif pilotsuz təyyarələr olub.
Qeyd edək ki, SEPAH-a məxsus “Fars Air Qeşm” aviaşirkəti terror qruplaşmalarını silahla təchiz etdiyinə görə Amerikanın sanksiyalarına məruz qalıb.
