Ukraynada müharibənin ağır itkiləri fonunda əsgərlərə pulsuz sperma və yumurta dondurma imkanı yaradılıb. Məqsəd həm cəbhədəki hərbçilərin gələcəyini qorumaq, həm də dərinləşən demoqrafik böhranın qarşısını qismən almaqdır.
Sherg.az xəbər verir ki, proqram 2022-ci ildə Rusiyanın genişmiqyaslı işğalından sonra özəl klinikalarda başlayıb, 2023-cü ildə isə qanunla dövlət maliyyəsi ayrılıb. Yeni dəyişikliklərə əsasən, hərbçinin ölümü halında dondurulmuş nümunələr üç il müddətində saxlanılır və yazılı razılıq varsa, həyat yoldaşı tərəfindən istifadə oluna bilər.
Rəsmilər bu addımı ölkənin demoqrafik gələcəyini qorumaq üçün “kiçik, lakin zəruri başlanğıc” kimi qiymətləndirirlər. Müharibə nəticəsində minlərlə gənc kişinin həlak olması və milyonlarla insanın ölkəni tərk etməsi əhalinin azalmasını daha da sürətləndirib.
