Ukraynanın keçmiş prezidenti Petro Poroşenko təbii sərvətlərlə bağlı sazişi ölkənin suverenliyinə təhlükə adlandırıb və Volodimir Zelenskini təcili olaraq parlament fraksiyalarının rəhbərləri ilə görüşməyə çağırıb.
Oxu.Az-ın xəbərinə görə, bu barədə Ukraynanın "Strana" nəşri məlumat verib.
"Ukrayna xalqının danışıqlar barədə bütün vacib xəbərləri xarici KİV-lərdən öyrənməsi qəbuledilməzdir. Ölkə daxilində isə hər kəs təbliğat marafonunun isti vannasına qərq olmaqda davam edir", - deyə Poroşenko bildirib.
Ukraynanın keçmiş prezidenti bəyan edib ki, Zelenskinin komandasının qeyri-peşəkar qərarları səbəbindən ölkə ABŞ ilə sazişin parametrlərini siyasi memorandum çərçivəsində müəyyən etmək imkanını itirib. O, həmçinin qeyd edib ki, ölkədə başlayan anti-Amerika isteriyası vəziyyəti daha da pisləşdirə bilər.
