Ukrayna Prezidenti Volodimir Zelenski ölkəsini müdafiə etməyə davam edəcəklərini qeyd edərək, “Rusiya heç vaxt evimizdə hakim olmayacaq” ifadəsini işlədib.
Sherg.az xəbər verir ki, Zelenski sosial media hesabında paylaşdığı açıqlamada qeyd edib ki, 1932–1933-cü illərdə keçmiş Sovet rejimi tərəfindən Ukrayna ərazilərində milyonlarla insanı aclığa məhkum edərək ölümə sürüklədiyi “Holodomor” faciəsinin qurbanlarını yad edirlər.
Bugün Kiyevdə keçirilən anma mərasimində iştirak etdiyini bildirən Zelenski bildirib:
“Bu gün saat 16:00-da ukraynalıların olduğu hər yerdə, pəncərələrin önündə anım şamları yandırılacaq. İnsanlıq tarixinin ən dəhşətli cinayətlərindən birinin qurbanlarına dair milyonlarla sübut, Ukraynalıların Holodomorda öldürülmüş milyonlarla insanı unutmadığını və bu soyqırım üçün Moskvaya heç vaxt bağışlamayacağını göstərir.”
Zelenski Holodomor qurbanlarını unutmadıqlarını vurğulayaraq əlavə edib:
“Yenə dəyişməyən və yenə ölüm gətirən bir Rusiyaya qarşı özümüzü qoruyuruq. Milli yaddaşımızı qorumaqda bir olduğumuz kimi müdafiəmizdə də bir olmalıyıq.”
Ukraynanı müdafiə etməyə davam edəcəklərini qeyd edən Zelenski əlavə edib:
“Ukraynanı qoruduq, qoruyuruq və həmişə qoruyacağıq. Çünki burası bizim evimizdir. Rusiya heç vaxt evimizdə hakim olmayacaq.”
Holodomor faciəsi Ukrayna tarixinin ən acı hadisələrindən biri sayılır.
1932–1933-cü illərdə keçmiş Sovet rejimi Ukrayna ərazilərində milyonlarla insanı aclığa məhkum edərək ölümə məruz qoymuşdu.
Ukrayna Milli Yaddaş İnstitutunun məlumatına görə, keçmiş Sovetlər Birliyinin lideri İosif Stalin tərəfindən həyata keçirilmiş “kollektivləşdirmə” siyasətinin nəticəsi olan bu faciədə, Ukrayna əhalisinin təxminən 13%-i, yəni 4,5 milyon nəfər həyatını itirmişdi.
Rus dilində “aclıqdan ölüm” mənasını verən “Holodomor” termini ilə tanınan bu faciə üçün keçmiş Prezident Viktor Yuşçenko dövründə hər il noyabrın son şənbə günü “Holodomor Qurbanlarını Anım Günü” elan edilmişdi.
