ABŞ Siyahıyaalma Bürosunun açıqladığı hesablamalara görə, 2024-cü ildə dünya əhalisi 71 milyondan çox artaraq yeni ildə 8,9 milyard nəfərə çatıb.
Sherg.az xəbər verir ki, 2024-cü ildəki 0,9 faizlik artım dünya əhalisinin 75 milyon nəfər artdığı 2023-cü illə müqayisədə bir qədər azalma deməkdir.
Hesablamalara görə, 2025-ci ilin yanvar ayında dünyada hər saniyədə 4,2 doğum və 2 ölüm gözlənilirdi.
Siyahıyaalma Bürosunun məlumatına görə, ABŞ 2024-cü ildə 2,6 milyon nəfər artıb və Yeni il günü ABŞ əhalisi 341 milyon nəfər olub.
2025-ci ilin yanvar ayında ABŞ-də hər 9 saniyədə bir doğum və hər 9,4 saniyədə bir ölüm baş verəcəyi gözlənilirdi.
Beynəlxalq miqrasiyanın hər 23,2 saniyədə ABŞ əhalisinə bir nəfər əlavə edəcəyi gözlənilirdi.
Siyahıyaalma Bürosu, doğum, ölüm və xalis beynəlxalq miqrasiyanın birləşməsinin ABŞ əhalisini hər 21,2 saniyədə bir nəfər artıracağını söyləyir.
2020-ci illərdə ABŞ əhalisi indiyədək təxminən 9,7 milyon nəfər artıb, artım tempi 2,9 faiz təşkil edib.
ABŞ əhalisi 2010-cu illərdə 7,4 faiz artaraq 1930-cu illərdən bəri ən aşağı artım tempinə çatıb.
