İstanbul Böyükşəhər Bələdiyyəsi Ekrem İmamoğlunun saxlanılmasından sonra bəyanat yayıb.
Bu barədə Oxu.Az "Haber Global"a istinadən xəbər verir.
Bəyanatda bütün əməkdaşların öz vəzifələrinə qayıdacaqlarına inam ifadə olunub.
"Hörmətli istanbullular, bu gün ölkəmiz və millətimiz üçün son dərəcə acınacaqlı bir prosesin şahidi oluruq. Qanunun aliliyinə və demokratik iradəyə olan inancımıza uyğun olaraq, hadisələrin gedişatını diqqətlə izləyirik.
Ədalətin ən qısa zamanda bərpa olunacağına və başda sədrimiz olmaqla, bütün həmkarlarımızın öz vəzifələrinə qayıdacaqlarına tam şəkildə inanırıq.
Bu müddətdə bizim üzərimizə düşən ən mühüm öhdəlik 16 milyon İstanbul sakininə, bu günə qədər etdiyimiz kimi, fasiləsiz və keyfiyyətli xidmət göstərməyə davam etməkdir. Bütün həmkarlarımızla birlikdə işimizin başında olacaq və şəhərimiz qarşısındakı məsuliyyətimizi eyni əzmlə davam etdirəcəyik.
Hər şeyin ən qısa zamanda daha gözəl olacağına inancımızla, hörmətlərimizi bildiririk", - deyə açıqlamada qeyd edilib.
