Qazaxıstanın Avropa İttifaqındakı nümayəndəsi, səfir Roman Vasilenko Avropa Şurası və Avropa Komissiyasının rəhbərləri Antonio Koşta və Ursula fon der Leyenə etimadnaməsini təqdim edib.
Teleqraf xəbər verir ki, bu barədə Qazaxıstan Xarici İşlər Nazirliyi mətbuat xidməti məlumat yayıb.
Aİ-nin yüksək səviyyəli rəsmiləri ilə sonrakı görüşdə Qazaxıstan səfiri qeyd edib ki, Avropa İttifaqı Qazaxıstanın ən böyük ticarət-iqtisadi tərəfdaşı olmaqla yanaşı, ölkə iqtisadiyyatının əsas investorudur.
Vasilenko dinamik siyasi dialoqu vurğulayaraq, nəqliyyat və logistika, enerji, xammal, rəqəmsallaşma və digər prioritet sahələrdə əməkdaşlığı genişləndirməyə çağırıb.
