
Gürcüstanın "altılıq" platformasından uzaq durması təbiidir
Gürcüstanın "altılıq" platformasından uzaq durması təbiidir
Yusif Nəzərli
20:08 13.12.2021
Siyasət
1107
Azərbaycan və Türkiyə gələcəkdə Tbilisini əməkdaşlığa cəlb edə bilər
Dekabrın 10-da Moskva şəhərində Azərbaycan, Ermənistan, Türkiyə, İran və Rusiyanın iştirakı ilə “3+3” formatında keçirilən regional platformanın ilk toplantısı baş tutdu. İclasda çoxşaxəli regional əməkdaşlığın inkişaf perspektivləri müzakirə edildi. Regional platformanın işini onun bütün iştirakçılarının maraqlarına cavab verən praktiki məsələlərə yönəltmək razılaşdırıldı. Söhbət tərəflər arasında qarşılıqlı etimadın artırılması, ticarət-iqtisadi, nəqliyyat, mədəni və humanitar sahələrdə qarşılıqlı fəaliyyət, ümumi təhdidlərə qarşı mübarizə tədbirlərindən gedir. Yəni bu format region ölkələrini narahat edən, həllini gözləyən bütün məsələləri özündə ehtiva edir.
Gözlənildiyi kimi, “3+3” formatında keçirilən regional platformanın ilk toplantısında Gürcüstan iştirak etmədi. Görüşdən bir neçə gün öncə Gürcüstan Xarici İşlər Nazirliyi ölkələrinin platformasının ilk iclasında iştirak etməyəcəyini bildirmişdi. Aydın məsələdir ki, rəsmi Tiflis Rusiya faktoruna görə “3+3” platformasında işitrak etmək istəmir. Moskva görüşü zamanı beş ölkənin nümayəndələri platformanın qapısının Gürcüstanın üzünə də açıq olduğunu bildiriblər.

Siyasi elmlər doktoru, professor Cümşüd Nuriyev “Şərq”ə deyib ki, Gürcüstanın Rusiyanın təmsil olunduğu platformadan uzaq durması təbiidir və digər 4 ölkə bunu anlayışla qarşılayır. Professorun sözlərinə görə, rəsmi Tbilisinin həvəslə qoşulduğu yeganə format - Azərbaycan, Gürcüstan və Türkiyənin yer aldığı üçlü platformadır:
“Üçlü format daha uğurla davam etdirilir. Gürcüstan Azərbaycan və Türkiyə vasitəsi ilə öz siyasi-iqtisadi maraqlarını təmin edir. Əlbəttə, gələcəkdə Gürcüstanın nisbətən fərqli davranış sərgiləyəcəyi, yaxud Azərbaycan və Türkiyənin Tbilisini “altılıq” formatına cəlb etmək cəhdləri mümkündür. Amma hələki bu, real görünmür. Həm də nəzərə alaq ki, regionun bütün ölkələri qeyri-rəsmi formatlarla əməkdaşlıq içindədir. Azərbaycan-Türkiyə-Gürcüstan və Rusiya-İran-Ermənistan ayrı-ayrılıqda “3+3” formatını davam etdirirlər. Əməkdaşlığı bu şəkildə də sürdürmək olar. Altı ölkənin mütləq şəkildə bir platformada cəmlənməsi şərt deyil”.
Oxşar xəbərlər
Xəbər lenti
Hamısına bax
Şahzadə Harri: Orduya qayıda bilərəm
11:47 20.11.2026
Dünya
Tramp: İran məsələsində tələsmirəm
11:27 20.11.2026
Gündəm
Xroniki tənhalıq demensiya riskini 38 faiz artırır
11:11 20.11.2026
Sağlamlıq
Fransa: Əsgərlərimiz zaman-zaman Ukraynada olub
10:59 20.11.2026
Gündəm
“Yuventus” Makkenninin transferinə icazə vermədi
10:56 20.11.2026
Futbol
Rektor qəzaya düşdü, akademik həyat yoldaşı ölüb
10:16 20.11.2026
Hadisə
Tramp tarixi üçtərəfli sammiti dəyərləndirdi: 10 üzərindən 12 bal
10:02 20.11.2026
Dünya
ABŞ Senatından Trampa İrana hücum dəstəyi gəldi
09:58 20.11.2026
Gündəm
Mossad rəhbəri ABŞ-ı İrana zərbələri bərpa etməyə çağırıb
09:57 20.11.2026
Dünya
Agentliyə yeni şöbə müdiri təyin olunub
09:36 20.11.2026
Elm və Təhsil
Bakıda gənc oğlan dostu tərəfindən bıçaqlandı
09:28 20.11.2026
Hadisə
QHT-lər üçün qrant müsabiqələri elan olundu - ŞƏRTLƏR
09:19 20.11.2026
Sosial
Bakının bir sıra yollarında tıxac yaranıb
08:57 20.11.2026
İnfrastruktur
Noyabrın 20-si üç BÜRC üçün xüsusi gün olacaq
08:48 20.11.2026
Sosial
Xərçəngə səbəb olan qidalar - Siyahı yeniləndi
08:20 20.11.2026
Sağlamlıq