Ərə verilən məktəblilər intihar edirlər! – “Ailələr cahil ənənələrdən əl çəkmirlər”
Yusif Nəzərli
15:21 01.06.2022
Cəmiyyət
696
Sabirabad rayonunda məktəbli qız ərə verilib. Bununla bağlı Azərbaycan Uşaqlar Birliyinin sədri Kəmalə Ağazadə məlumat verib. O, bildirib ki, Sabirabad rayonu Qəzli kəndində IX sinif şagirdinin qız toyu olub:
"1-2 həftəyə də oğlan toyu olacaq. Qızın adını yazmayacağam, anasının adı isə Zöhrədir”.
DİN-in Mətbuat Xidmətinin Şirvan regional qrupunun baş inspektoru, polis baş leytenantı Nizam Həmidov məsələyə münasibət bildirib. N.Həmidovun sözlərinə görə, faktla bağlı Sabirabad Rayon Polis Şöbəsi tərəfindən bütün tədbirlər icra olunur və digər dövlət qurumları məlumatlandırılıb:
"Yeniyetmənin valideynləri də polis şöbəsinə dəvət edilərək, qeyd olunan halın hüquqaziddliyi onların diqqətinə çatdırılıb. Həmçinin yeniyetmənin qanunvericiliyə uyğun olaraq, təhsilinə davam etməsinə və dərsə davamiyyətinə mütəmadi olaraq, nəzarət ediləcək".
Qeyd edək ki, mayın 30-da da analoji hadisə baş verib. Kürdəmir rayonunun Xəlsə kəndində doqquzillik məktəbi bitirən qız keçən il qonşu kənddən olan oğlanla nişanlanıb. Oğlan evi qızın ailəsigilə toyun tarixi və digər məsələlərlə bağlı müzakirə üçün gəlib. Qonaqlar getdikdən sonra isə 18 yaşlı Aidə Məmişova intihar edib. Qardaşı onu hindən asılı vəziyyətdə tapıb.
Psixoloq Elmir Əkbər "Şərq"ə açıqlamasında təəssüf hissi ilə bildirib ki, belə acınacaqlı durumlar hələ də davam edir:
"Cəmiyyətin bir hissəsi dünyada gedən inkişafa baxmayaraq, cahil düşüncələrindən, ənənələrindən hələ də əl çəkmirlər. Bu da insan qurbanlarına gətirib, çıxarır. Ona görə də hər bir intihar ətraflı analiz olunmalı, səbəbləri ictimailəşdirilməlidir. İnsanların valideynləri, yaxud da başqaları intihara sövq edən davranışlar sərgiləyir. Nəticədə şəxs də çıxış yolunu özünəqəsddə tapır. Bu məsələlər insan toplusuna çatdırılmalıdır ki, özünü öldürməyə vadar edənlər belə hadisələrdən dərs götürsün".
E.Əkbər həmçinin əlavə edib ki, ölkəmizdə psixoterapevtik xidmət yoxdur:
"Azərbaycanda 2005-ci ildə həkim-psixoterapevtlik ixtisası ləğv olunub. Bütün dünyada hətta həkim-psixoanalitik, həkim-loqoterapevtlik ixtisasları yaranmasına baxmayaraq, bizdə mövcud olanı da dağıdıblar. Ona görə də Azərbaycanda düzgün psixoterapiya xidməti təşkil olunmalıdır. Xaricdə təhsil alıb, gəlmiş kadrlara ehtiyac var. Çünki ölkədə psixoterapiya məktəbi yoxdur. Bu da başqa peşə sahiblərinin vasitəsilə yetişdirilməməlidir. İşin rəhbərliyi kiminsə qohumuna, tanışına həvalə edilməli deyil. Peşəkarların, mütəxəssislərin öhtəsinə buraxılmalıdır ki, doğru psixoterapiya xidməti təşkil olunsun. Bütün dünyada çox gözəl fəaliyyət göstərən liqalar olduğu halda Azərbaycanda mövcud deyil. Digər bir əsas səbəb isə Azərbaycanda psixologiyanın çox aşağı səviyyədə, psixoterapiyanın isə sıfır vəziyyətdə olmasıdır".
Oxşar xəbərlər
Xəbər lenti
Hamısına bax
Başına top dəyən futbolçu öldü
19:42 16.11.2026
Futbol
Putin APEC sammitindən dərhal sonra Tacikistana gedəcək
19:34 16.11.2026
Aktual
Tramp Çində Putin və Si Cinpinlə görüşəcəyini təsdiqləyib
19:26 16.11.2026
Aktual
COP31-in sədri Azərbaycan pavilyonunu ziyarət etdi
19:18 16.11.2026
Gündəm
Britaniya nəşri hazırda İranı kimlərin idarə etdiyini açıqladı
19:11 16.11.2026
Dünya
Tramp Çində Putinlə yanaşı Kim Çen Inla da görüşə bilər
18:47 16.11.2026
Dünya
Azərbaycan bu beynəlxalq şuranın üzvü seçildi
18:45 16.11.2026
Gündəm
Gəncədə 42 yaşlı kişi 4-cü mərtəbədən yıxılıb
18:39 16.11.2026
Hadisə
Dolların mövqeyi zəifləyir, manat güclənir - İZAH
18:28 16.11.2026
İqtisadiyyat
Bakı-London iqtisadi tərəfdaşlığı genişlənir - TƏHLİL
18:09 16.11.2026
Gündəm
Aİ Ukraynaya silah tədarükü üçün 1,76 milyard avro ayırdı
18:03 16.11.2026
Dünya
Bakıda bal yarmarkasının tarixi və yeri dəyişdirildi
17:58 16.11.2026
Sosial
Hörmüz boğazında daha bir neft tankeri minaya düşüb
17:49 16.11.2026
Dünya
Narkoloji müayinəyə dair yeni tələb müəyyənləşir
17:47 16.11.2026
Sosial
İran və Pakistan XİN rəhbərləri görüşdü
17:21 16.11.2026
Dünya