Ermənistanın müdafiə naziri ABŞ-a gedib. Bu barədə Ermənistan Müdafiə Nazirliyi məlumat yayıb. Məlumata görə, müdafiə naziri Suren Papikyanın rəhbərlik etdiyi Ermənistan nümayəndə heyəti ABŞ-a işgüzar səfərə gedib.
Hərbi-siyasi ekspert Həşim Səhrablı “Sherg.az”a söyləyib ki, sözügedən məsələni bir neçə fərqli rakursdan dəyərləndirmək lazımdır:
“Ermənistan son günlər müdafiə sahəsində ciddi islahatların olacağı ilə bağlı xəbərlər dolaşır. Bununla bağlı Nikol Paşinyanın da müəyyən fikirlər söyləmişdi. Müdafiə naziri Suren Papikyanın ABŞ-yə səfəri də onun islahatların qurbanı olmaqdan qorxduğundan xəbər verir. Belə olan halda Papikyan Amerikada Ermənistana yaxın olan insanlarla əlaqəyə keçərək Nikol Paşinyanı fikrində döndərə bilər. Digər bir məsələ isə son vaxtlar dünyada baş verən qlobal hadisələrlə bağlıdır. Ermənistan çox yaxşı anlayır ki, hazırda dünyada hərbi texnika baxımından ən inkişaf edən sənayelərdən biri Amerikada mövcuddur. Eyni zamanda Amerika ordusu fərqli bölgələrdə məğlubiyyət tərzində geriləmələr yaşasa da, hələ də dünyanın ən güclü ordusu olaraq qalır. Papikyanın səfəri Amerikanın Ermənistana hərbi dəstəyini daha da artırmaq və rəsmi İrəvanın hərbi-texniki imkanlarını genişləndirmək məqsədi də daşıyır. Çünki axır vaxtlar Ermənistan cəmiyyətində revanşist meyillərin artığını görməkdəyik. Xüsusilə də Ermənistan tərəfinin öz üzərinə götürdüyü öhdəliklərdən qaçır. Bu mənada Ermənistanın yenə də uydurduğu həqiqətlərdən çıxış edərək milli maraqlarını təmin etməyə çalışacaq. Bu isə Azərbaycan və yaxud hansısa tərəfin güc yoluyla həqiqəti bərpa etməsinə səbəb ola bilər”.
