Səmimi ev sahibliyi üçün qardaşım Prezident İlham Əliyevə təşəkkür edirəm.
Sherg.az xəbər verir ki, bu sözləri Türkiyə Prezidenti Rəcəb Tayyib Ərdoğan Prezident İlham Əliyev və Pakistanın Baş naziri Məhəmməd Şahbaz Şərif ilə Zirvə görüşündə söyləyib.
Rəcəb Tayyib Ərdoğan həyatları bahasına Azərbaycanın suverenliyini qoruyan şəhidlərimizi rəhmətlə yad edib: “Qarşılıqlı sevgi, hörmət və etibara söykənən, eyni mədəniyyət iqlimindən bəslənən, ortaq idealları paylaşan 3 qardaş ölkəyik. Təxmini 350 milyon nəfər əhaliyə və 1 trilyon dollar iqtisadiyyata sahib ölkələrimiz arasındakı əlaqələri daha da gücləndiririk. Əməkdaşlığımızı strateji ortaqlığa çevirmək yönündə olan hər addımın arxasında olduğumuzu bir daha vurğulamaq istəyirəm”.
