Köln şəhərində 20 mindən çox insan təxliyə edilir
Almaniyanın Köln şəhərində, İkinci Dünya Müharibəsindən qalan və partlamamış üç bomba tapıldığı üçün 20 min 500 nəfər təxliyə olunur.
Sherg.az xəbər verir ki, partlamamış Amerika bombaları Kölnün Deutz rayonundakı gəmiqayırma zavodunda tapılıb. Onların biri 10 ton, ikisi isə 20 ton ağırlığındadır.
1 km-lik ərazi boşaldılır. Əraziyə evlər, otellər, məktəblər, Eduardus xəstəxanası və əsas dəmiryolu stansiyası daxildir.
Hakimiyyət orqanları evlərini tərk etməkdən imtina edən şəxslərin zərurət yaranarsa polis vasitəsilə çıxarılacağını və cərimələnəcəklərini bildirib.
Ərazidəki mağaza, restoran və digər müəssisələrin fəaliyyəti dayandırılıb. 58 otel və 9 məktəb də təxliyəyə daxildir. Bəzi tren xətləri bağlanıb.
Evi olmayan insanlar üçün iki müvəqqəti sığınacaq mərkəzi açılıb. Sakinlərə şəxsiyyət vəsiqələrini, dərmanlarını və ev heyvanlarını götürmələri tövsiyə olunub.
Köln Bonn Hava Limanında uçuşlar davam etsə də, nəqliyyatda aksaklıqlar gözlənilir.
