Leonardo DiKaprio ilə “Dolunay qatilləri” filmindən sonra gündəmə gələn məşhur rejissor Martin Scorsese artıq kinoteatrlara getmədiyini bildirib. Scorsese, tamaşaçıların davranışlarından – danışmaq və telefon səsi kimi şeylərdən – narahat olduğu üçün kinoteatrlarda film izləmədiyini deyib.
Sherg.az xəbər verir ki, 82 yaşlı rejissor gənclik illərində özü də kinoda danışdığını etiraf edib, amma yalnız film haqqında danışdıqlarını qeyd edib.
Təqaüdə çıxacağı ilə bağlı iddiaları da təkzib edən Scorsese, “Belə bir niyyətim yoxdur. Hazırda Frank Sinatra və İsa haqqında filmlər üzərində işləyirəm” deyib.
Scorsese gələcəkdə “İsa filmi”, “Sinatra filmi”, “Teddy Roosevelt filmi”, “The Wager” romanının adaptasiyası və Marilynne Robinson’un “Home” əsərinin adaptasiyası kimi layihələr üzərində işləyir.
Rejissor, 2006-cı ildə “Köstəbək” filmi ilə “Ən yaxşı rejissor” Oskar mükafatını qazanıb.
