Sabah “Qarabağ”- “Şelburn” oyunu baş tutacaq.
Oyun Tofiq Bəhramov adına Respublika stadionunda keçiriləcək.
Qeyd edək ki, görüş saat 20:00-da başlayacaq.
Baş tuttacaq matçı şərh edən idman jurnalisti Orxan Sübhan “Sherg.az”a bildirib ki,"Qarabağ" ilk oyunda cütün taleyini həll etdiyini deyə bilərik:
“"Şelburn" "Qarabağ"ın dişinə görə rəqibdir. Ona görə də Qurban Qurbanovun komandasının cavab görüşündə əziyyət çəkəcəyini düşünmürəm. Nəzərə alsaq ki, komandamız oyundan-oyuna artırır, Bakıda qarşılaşmada "Qarabağ"ın daha böyük hesablı qələbə qazanacağını indidən söyləmək üçün alim olmaq lazım deyil”.
Müsahibimiz qeyd edib ki, yeni transferlər haqqında indidən nəsə demək çətindir:
“Yenilərin komandaya alışması zaman alacaq. İlk oyunda zədələnən Bolt Bakıdakı matçda meydana çıxmayacaq. Marko Yankoviçi də cavab görüşündə görməyə bilərik. Ancaq yenə də "Qarabağ" Boltsuz da, Yankoviçsiz də "Şelburn"u məğlub etmək gücündədir. Bizim hamımızın istəyi "Qarabağ"ın təkcə "Şelburn"u yox növbəti mərhələlərdəki rəqiblərini də mübarizədən kənarlaşdırmasıdır. "Qarabağ"ımıza uğurlar!”.
Kəmalə Vəliyeva
