ABŞ Prezidenti Donald Tramp Ağ Evdə Ukrayna və digər Avropa ölkələri liderləri ilə görüş zamanı Azərbaycan və Ermənistanı misal gətirib.
Axar.az xəbər verir ki, Tramp Almaniya kansleri Fridrix Merzin Rusiyanın üçtərəfli görüşə qədər atəşi dayandırmalı olduğu barədə fikrinə cavab verərkən hər iki ölkəni xatırladıb.
"Mən bundan əvvəl 6 müharibəni dayandırmışam, atəşkəs olmayıb. Ötən həftə iki gözəl ölkə (Azərbaycan və Ermənistan - red.), onların arasında 35 il davam edən müharibə olub və burada da atəşkəs olmayıb", - deyə Tramp bildirib.
