Özbəkistan və Çin arasında münasibətlər əsrlər boyu formalaşmış tarixi əlaqələrə əsaslanır, hazırda bu əməkdaşlıq “Bir Kəmər, Bir Yol” nəqliyyat dəhlizi layihəsi çərçivəsində yeni səviyyəyə yüksəlir.
Teleqraf xəbər verir ki, bu barədə “Asdaa Oman” qəzeti yazıb.
Məqalədə qeyd edilib ki, bu çərçivədə 2024-cü il dekabrın 27-də tikintisinə başlanan Çin-Qırğızıstan-Özbəkistan dəmir yolunun 2030-cu ilə qədər başa çatdırılması planlaşdırılır:
“Bu dəmir yolu ildə 15 milyon tona qədər yük daşımağa imkan verəcək. Bu, təkcə yüklərin çatdırılma müddətini deyil, həm də daşıma xərclərini azaldacaq. Dəmir yolunun tikintisi çərçivəsində 20 stansiya, 42 körpü və 25 tunel tikiləcək. Marşrut Kaşqar, Toruqart, Cəlilabad, Makamal və Maqasel şəhərlərindən keçəcək”.
Bundan əlavə, nəşr Özbəkistan və Çində yeni logistik mərkəzlərin, o cümlədən Lançjou şəhərində yük toplama məntəqəsinin və Lianyunqanq liman şəhərindən keçəcək logistik qovşaqların yaradılmasından yazıb:
“Layihə Özbəkistanın geoiqtisadi mövqeyini gücləndirəcək və ölkənin regional logistika mərkəzinə çevrilməsinə xidmət edəcək, eyni zamanda beynəlxalq ticarət və tranzit imkanlarını genişləndirəcək və bütün regionun inkişafına mühüm töhfə verəcək”.
