“Bu, sülhün bərqərar olduğunun sübutlarından biridir. Əminəm ki, yaxın gələcəkdə bu cür ikitərəfli addımlar əskik olmayacaq. Azərbaycan Prezidentinin bəyanatını alqışlayıram. Çox vacib məsələlərimiz var, onların da tezliklə həllini gözləyirik”.
Teleqraf xəbər verir ki, bunu Ermənistan parlamentinin sədri Alen Simonyan Azərbaycan Prezidenti İlham Əliyevin Bakının Ermənistana yüklərin tranzitinə qoyulan məhdudiyyətləri aradan qaldırması ilə bağlı bəyanatını şərh edərkən deyib.
Simonyan Cenevrədə Azərbaycan Milli Məclisinin sədri Sahibə Qafarova ilə görüşündən də danışıb:
“Görüşü çox müsbət qiymətləndirirəm. Parlamentlər cəmiyyətləri hazırlamaq, onları yaxınlaşdırmaq, sülh reallığında yaşamaq, bir-birinə doğru addımlar atmaq məntiqini öz üzərlərinə götürməlidirlər, mənim həmkarımda da belə bir fikir var. Razılaşdıq ki, konkret addımlar üçün mexanizmləri müzakirə edək və təklif verək. Çox müsbət və isti görüş oldu”.
Alen Simonyan əlavə edib ki, sülh istəyi birtərəfli deyil - bunun həm Azərbaycan, həm də Ermənistan istəyir.
