44 günlük Vətən Müharibəsi Azərbaycanın haqlı mübarizəsi idi ki, Prezident İlham Əliyev həmin dövrdə və ondan sonra da öz çıxışlarında Azərbaycanın heç bir təxribata əl atmadığını, öz siyasətini alnı açıq apardığını qeyd edib.
APA xəbər verir ki, bunu xarici işlər naziri Ceyhun Bayramov Prezident İlham Əliyevin prezidentliyinin 20 illiyinə həsr olunmuş “Vətənə, xalqa və dövlətçiliyə misilsiz xidmətinin 20 ili” adlı konfransda çıxışı zamanı deyib.
“Prezident İlham Əliyevin apardığı siyasət hər zaman özündə ədalət prinsipini ehtiva edib”, - nazir deyib.
Ceyhun Bayramov qeyd edib ki, Prezident İlham Əliyevin rəhbərliyi ilə rəşadətli Azərbaycan Ordusunun böyük zəfəri və bu yaxınlarda baş tutan lokal xarakterli antiterror tədbirlərindən sonra Azərbaycan özünün suveren ərazisini bərpa edib:
"Azərbaycanın ədalətli mövqe və siyasətinin bundan sonra da beynəlxalq ictimaiyyətə çatıdırılması vacibdir. Əminik ki, cənab Prezident İlham Əliyevin bu istiqamətdə siyasəti bu yöndə uğurlu olacaq".
