Bu ilin birinci yarısında Gürcüstan vasitəsilə Azərbaycan istiqamətində 38 602 yük avtomobili hərəkət edib.
Teleqraf-ın yerli bürosu xəbər verir ki, bu barədə Gürcüstanın Gəlirlər Xidmətindən bildirilib.
İllik müqayisədə TIR-ların sayında 2% azalma qeydə alınıb.
Hesabat dövründə Gürcüstanın tranzit dəhlizindən Ermənistana doğru 57 522, Türkiyəyə doğru 37 279, Rusiyaya doğru isə 31 229 TIR istifadə edib.
Gürcüstan üzərindən ümumilikdə 229 min yük maşını ötüb. Ötən ilin eyni dövrünə nisbətdə göstərici 4% azalıb.
Hər bir tranzit TIR ölkə üzərindən keçmək üçün 350 lari (220 AZN) ödəniş edir. Yanvar-iyunda Gürcüstanın dövlət büdcəsinə bu ödənişlərdən 80 milyon lari (50,2 miyon AZN) daxil olub. Bu məbləğ illik müqayisədə 4% azdır.
