Ermənistan hazırda 6-7 ölkədən silah-sursat tədarük edir.
Teleqraf xəbər verir ki, bunu Ermənistan Baş naziri Nikol Paşinyan bildirib.
N.Paşinyan mayın 28-də İrəvanın Respublika meydanında keçirilməsi planlaşdırılan hərbi paraddan danışarkən, orada xarici ölkələrdən alınmış müasir silahların nümayiş etdiriləcəyini bildirib:
"Paradda xaricdə istehsal olunmuş müasir silahları təqdim edəcəyik. Silah tədarükü mənbələrini şaxələndirməyimiz çox mühümdür. Artıq 2-3 yox, 6-7 ölkədən silah alırıq. Bu, seçim imkanımızın olması baxımından vacibdir".
Baş nazir paradda Ermənistanda istehsal olunan müasir hərbi texnikanın da nümayiş olunacağını vurğulayıb:
"Ən əsası, müəyyən miqdarda Ermənistanda istehsal edilmiş müasir silah-sursat da olacaq".
