Azərbaycanda tarixi gün yaşayırıq.
APA xəbər verir ki, bunu Şimali Kipr Türk Respublikasının Prezidenti Ersin Tatar mətbuat konfransında çıxışı zamanı deyib.
"Bakıda Şimali Kipr Mədəniyyəti və Təqdimatı Günləri çərçivəsində bir sıra tədbirlər keçirilib. Bizə dəstək göstərdiyinə görə Azərbaycan dövlətinə, xalqına sevgilərimi, hörmətimi ifadə etmək istəyirəm", - deyə Ersin Tatar bildirib.
O deyib ki, Türkiyə hər zaman Azərbaycanın yanında olub.
"Azərbaycanın Qarabağdakı antiterror tədbirləri bir daha Azərbaycanın üstünlüyünü göstərdi. Hamımız şahid olduq ki, Azərbaycan heç bir mülki şəxsə zərər yetirmədən hərbi hədəfləri vurdu. Azərbaycan öz haqq işini sona çatdırdı, Qarabağa sahibliyini bərpa etdi və bütün dünyaya gücünü nümayiş etdirdi", - deyə Ersin Tatar vurğulayıb.
